Íþróttabandalag Reykjavíkur leitar að einstaklingum á aldrinum 16-25 ára í ungmennaráð ÍBR sem stendur til að stofna.
Eitt af helstu hlutverkum ungmennaráðsins verður að gæta hagsmuna yngri iðkenda í íþróttastarfi borgarinnar og vera rödd þeirra innan hreyfingarinnar.
Meðal verkefna ungmennaráðs ÍBR:
- Mæta á fundi 1-2 í mánuði.
- Taka þátt í að byggja upp öflugt íþróttafélagsstarf ungmenna innan íþróttafélaga og innan íþróttahreyfingarinnar almennt
- Koma á framfæri sínum hugmyndum um málefni ungmenna
- Auka tengsl ÍBR við ungmenni
- Koma með tillögur til stjórnar ÍBR
- Aðilar úr ráðinu fá að sitja stjórnarfund ÍBR 1-2 á ári
Þátttakendum verður veitt fræðsla og þjálfun í lýðræðislegum vinnubrögðum og skapaður verður vettvangur til að þjálfa sig í þeim atriðum.
Við hvetjum ungmenni til að taka þátt í íþróttastarfi Reykjavíkur með okkur.
Umsóknarfrestur er til 15. nóvember og umsóknir skal senda með tölvupósti á jakob@ibr.is.
Áhugi á íþróttum er æskilegur.
Hlökkum til að heyra frá ykkur og vonandi vinna með ykkur!
Íþróttabandalag Reykjavíkur
