Ráðstefnan "Meira eða minna afreks?" fer fram miðvikudaginn, 22. janúar 2025, 9:00-14:30.
Ráðstefnan einblínir á snemmtæka afreksvæðingu í íþróttum barna og ungmenna og áhrif hennar á ungt fólk.
Ráðstefnan er einstakt tækifæri til að heyra í alþjóðlegum sérfræðingum segja frá nýjustu rannsóknum og ræða mikilvægi þess að hafa jafnvægi milli keppni og vellíðanar í íþróttum barna og ungmenna.
Ráðstefnan leitar að svara eftirfarandi spurningum:
Hvenær ætti sérhæfing barna og ungmenna í íþróttum að hefjast?
Hvernig getum við mótað framtíðar afreksfólk án þess að fórna leikgleðinni?
Enginn íþróttaþjálfari ætti að láta þessa ráðstefnu fram hjá sér fara!
Ráðstefnan er einnig einstaklega gott tækifæri fyrir foreldra íþróttabarna til að fræðast um þetta mikilvæga málefni.
Fyrirlesarar eru:
Dr. Carsten Hvid Larsen er yfirsálfræðingur hjá danska knattspyrnusambandinu. Dr. Larsen er dósent við Háskólann í Suður-Danmörku. Carsten hefur birt nokkrar greinar á sviði hagnýtrar íþróttasálfræði og hæfileikaþróunar. Hann hefur ritstýrt og lagt sitt af mörkum við nokkrar bækur um núvitund og andlega heilsu í íþróttum. Hann hefur gefið út þrjár bækur á dönsku fyrir íþróttasálfræðinga, þjálfara og íþróttafólk. Hann kennir nú íþróttasálfræði á meistarastigi. Hann ferðaðist nýlega með danska landsliðinu á Evrópumeistaramótið í knattspyrnu.
Katie Castle er sálfræðingur með 6 ára klíníska starfsreynslu. Hún er einnig fyrrverandi keppnisfimleikakona og þjálfari/danshöfundur á háu stigi með 3. stig í National Coaching Certification Program.
Hún sérhæfir sig í vinnu með ungu íþróttafólki, fjölskyldum þeirra og þjálfurum um málefni eins og frammistöðukvíða, ótta og andlegar hindranir, fullkomnunaráráttu og lágt sjálfstraust.
Hún hefur þjálfun í ýmsum gagnreyndum aðferðum, þar á meðal hugrænni atferlismeðferð, frásagnarmeðferð og EMDR.
Hún flutti nýlega erindi á 2024-ráðstefnu Evrópusamtaka íþróttasálfræðinga þar sem hún kynnti rannsóknir sem miðuðu að því að greina neikvæða sálfræðilega þætti tengda snemmbúinni atvinnumennsku í unglingaíþróttum.
Á íþróttaferli sínum, sem hófst sem afreksíþróttakona, síðan þjálfari, íþróttasálfræðingur og nú íþróttamamma, hefur hún orðið vitni að miklum breytingum á umhverfinu í kringum ungt íþróttafólk. Hún mun deila bæði persónulegri reynslu sinni og viðeigandi rannsóknum um ákveðin umhverfisleg atriði sem líklegri eru til að valda skaða en gagnast ungum íþróttamönnum.
Christian Thue Bjørndal er rannsakandi, kennari og handboltaþjálfari, nú starfandi sem dósent við Norska íþróttavísindaskólann. Hann lauk doktorsgráðu árið 2017 með áherslu á hæfileikaþróun í norskum handbolta og er vottaður EHF Master Coach.
Christian hefur ástríðu fyrir að brúa bilið milli kenninga og framkvæmdar, með sérfræðiþekkingu á hæfileikaþróun, íþróttaþjálfun, færniöflun, hreyfinámi og styrktar- og þolþjálfun. Hann hefur mikla reynslu af því að vinna með ólympíumeisturum og íþróttamönnum í fremstu röð í ýmsum íþróttum, ásamt hlutverkum sínum sem þjálfari, kennari og fyrirlesari.
Hér er hægt að kaupa miða í streymi: https://app.staylive.io/rigplay
Hér er hægt að kaupa miða í sal: https://www.corsa.is/is/176/register
