Aðildarfélög geta sótt um eftirfarandi styrki hjá Íþróttabandalagi Reykjavíkur

Ferðastyrkir

Sækja þarf um styrk vegna ferða innanlands fyrir 10.janúar ár hvert. Sótt er um á vef ÍSÍ og berast umsóknirnar bæði í Ferðasjóð ÍSÍ og Ferðasjóð ÍBR. Öll íþróttafélög í landinu sækja um ferðastyrki til Íþrótta- og Ólympíusambands Íslands (ÍSÍ) á vef ÍSÍ. Íþróttabandalag Reykjavíkur (ÍBR) hefur samið við ÍSÍ um að fá aðgang að umsóknum íþróttafélaganna í Reykjavík til að minnka vinnu félaganna við að sækja um ferðastyrki. Umsóknir sem þarna eru settar inn berast því bæði til ÍSÍ og ÍBR. Byrja þarf á því að stofna umsókn fyrir félagið eða deildina og síðan er hægt að byrja að færa inn ferðir. Aðeins er tekið á móti umsóknum á þessu vefsvæði og ekki er hægt að taka á móti þeim eftir 10.janúar ár hvert.

Reglugerð vegna innlendra ferðastyrkja - pdf skjal

Hægt er að sækja um styrki til ÍBR vegna keppnisferða erlendis. Styrktar eru ferðir á heimsmeistaramót, heimsbikarkeppni, evrópumeistaramót, norðurlandameistaramót, alþjóðleg mót landsliða, opinbera landsleiki o.fl. Upphæð ferðastyrkja tekur mið að árlegu framlagi Reykjavíkurborgar. ÍBR ákveður viðmiðunargjald sem er föst tala, hvert sem ferðast er. Viðmiðunargjald keppnistímabilið 2010-2011 er kr.16.500. Sækja skal um styrk áður en ferð er farin. Sjá nánar í reglugerð.

Reglugerð vegna erlendra ferðastyrkja - pdf skjal

Grunnstyrkur ÍBR

Grunnstyrkur ÍBR nemur þeim hagnaði sem bandalagið fær til úthlutunar af rekstri Íslenskrar Getspár (Lottó). Forsendur þess að nokkurt félag fái styrk frá ÍBR er að félagið sé fullgildur aðili að ÍBR, haldi félagatal og hafi farið að lögum bandalagsins hvað varðar aðalfundi, skil á ársskýrslum með endurskoðuðum reikningum, fullgildum iðkendaskýrslum og löglegri kosningu stjórnar. Skilafrestur á umsókn um Grunnstyrk ÍBR er 31.maí.

Reglugerð vegna Grunnstyrks ÍBR

Umsóknareyðublað vegna Grunnstyrks ÍBR - pdf skjal - word skjal

Styrkir til æfinga og keppni

Aðalmarkmiðið með æfinga- og keppnisstyrkjum ÍBR og ÍTR er að kostnaður vegna aðstöðu til íþróttaiðkunar barna og unglinga verði ekki borinn af þeim eða fjölskyldum þeirra. Jafnframt er það markmið með styrkjunum að styðja við afreksíþróttir hjá reykvískum íþróttafélögum. Styrkveiting nær til félags, sem er fullgildur aðili að ÍBR og hefur farið að lögum bandalagsins.  Styrkhæf er leiga í íþróttamannvirkjum á vegum Reykjavíkurborgar (þ.m.t. íþróttasölum skóla), íþróttamannvirkjum íþróttafélaga og í öðrum mannvirkjum á vegum íþróttafélaga. Umsóknir um styrki til æfinga vegna komandi vetrartímabils berist til ÍBR fyrir 20.maí.

Reglugerð vegna æfinga- og keppnisstyrkja

Verkefnasjóður ÍBR

Verkefnasjóður Héraðssambandsins ÍBR er sjóður til styrktar útbreiðslu og átaksverkefnum í íþróttastarfi í Reykjavík.  Úthlutun skal sérstaklega taka mið af barnastefnu ÍBR og jöfnum möguleika allra til íþróttaiðkunar. Hægt er að sækja um styrki í Verkefnasjóð ÍBR allt árið um kring. Athugið þó að það getur tekið nokkrar vikur að fá svar við umsókn þar sem stjórn sjóðsins fundar í mesta lagi einu sinni í mánuði.

Reglugerð vegna Verkefnasjóðs ÍBR