HnappurBLUEForvarnir gegn ofbeldi

Íþróttafélög geta haft samband við ÍSÍ ef þau vilja fá nánari fræðslu um þetta málefni. Það skal tekið fram að ef einhver grunur er á að kynferðislegt ofbeldi hafi átt sér stað ber að tilkynna það annað hvort til barnaverndaryfirvalda eða með símtali í 112 og tilkynna í nafni félags. 
Lesa má nánar um forvarnir á vefsíðu ÍSÍ hér.

Ingvar Sverrisson - formaður Íþróttabandalags ReykjavíkurFöstudaginn 7.maí síðastliðinn var haldinn formannafundur Íþróttabandalags Reykjavíkur. Formaður Íþróttabandalagsins, Ingvar Sverrisson, stýrði fundinum sem haldin var í Íþróttamiðstöðinni í Laugardal (mynd). Góð mæting var á fundinn en fulltrúar tæplega fjörtíu félaga tóku þátt. Ársreikningur Íþróttabandalags Reykjavíkur fyrir árið 2009 var kynntur fundarmönnum ásamt upplýsingum um helstu verkefni bandalagsins síðan á síðasta þingi.

Á seinni hluta fundar fluttu fulltrúar þeirra stjórnmálaflokka sem bjóða fram í borgarstjórnarkosningum í vor stutt erindi um áherslur flokkanna í tengslum við íþróttir á næsta kjörtímabili. Fulltrúar flokkanna voru Dagur B. Eggertsson, Samfylkingu, Friðrik Hansen Guðmundsson, Reykjavíkurframboðinu, Haraldur Baldursson, Frjálslyndaflokknum, Hermann Valsson, Vinstri grænum, Ingvar Mar Jónsson, Framsóknarflokknum, og Kjartan Magnússon, Sjálfstæðisflokknum. Enginn fulltrúi mætti frá Besta flokknum né Framboði um heiðarleika og almannahagsmuni. Eftir stutt erindi voru nokkuð fjörugar pallborðsumræður þar sem fundarmönnum gafst kostur á að beina spurningum sínum til fulltrúa flokkanna.

Að fundi loknum var fundarmönnum boðið í léttar veitingar og spjall á Cafe Easy.

 northern lights run

Lýstu upp myrkrið með okkur.

Upplifðu spennuna, orkuna og andrúmsloftið. Skelltu þér í 5km upplifun um upplýstar götur Reykjavíkurborgar á þessum „off venue“ viðburði WOW Reykjavík International Games. Engin tímataka er í hlaupinu því það er ekki "keppni" sem slík. WOW Northern Lights Run snýst um heilbrigðan líðan, skemmtun og að eyða undraverðu kvöldi með vinum og fjölskyldu. Þátttakendur leiðast í tónlist og lýsingu. Hlaupið er hluti af Vetrarhátíð Reykjavíkurborgar og WOW Reykjavík International Games. Kynntu þér málið hér.

mynd4

Íþróttir í Reykjavík

Íþróttabandalag Reykjavíkur (ÍBR) eru heildarsamtök íþróttafélaganna í Reykjavík og voru stofnuð 31. ágúst 1944. ÍBR er aðili að Íþrótta- og Ólympíusambandi Íslands og er tengiliður íþróttafélaganna við Reykjavíkurborg. ÍBR gætir hagsmuna íþróttahreyfingarinnar í Reykjavík gagnvart opinberum aðilum og vinnur að eflingu og skipulagningu á íþróttastarfsemi í Reykjavík. Heildarfjöldi virkra félagsmanna í íþróttafélögum í Reykjavík rúmlega 41.000.  Skráð eru 76 starfræk íþróttafélög í ÍBR en innan þeirra eru yfir 150 deildir. ÍBR nýtur styrkja frá Reykjavíkurborg. ÍBR styður starfsemi íþróttafélaganna með styrkjum frá Reykjavíkurborg m.a. fyrir aðstöðu til æfinga og keppni. Íþróttahreyfingin í Reykjavík fær einnig styrki frá ÍSÍ vegna hagnaðar af Íslenskri getspá og Íslenskum getraunum.

WOW REYKJAVIK INTERNATIONAL GAMES

Reykjavíkurleikarnir eru fjölgreina afreksíþróttamót sem haldnir hafa verið árlega í janúar eða febrúar síðan 2008. Ár hvert koma um 500 erlendir gestir til landsins vegna leikanna. Keppnin fer að mestu fram í Laugardalnum og nágrenni hans. Margt af besta íþróttafólki landsins tekur þátt ásamt sterkum erlendum gestum víðsvegar að úr heiminum. Kynntu þér málið hér.